Ni Armeena Celine Pascual-Ramos
Ika nga sa isang linya sa pelikulang A Bug’s Life: “first rule of leadership: everything is your fault.” |
Taong 2008, nag-apply ako
sa Kasagana-ka naaalala ko pa ang tanong sa akin: “Ano sa palagay mo ang
katangian ng mahusay na leader?” Sinagot ko ito ng basic: “ang mahusay na
leader po ay mabuting tagasunod”. Tapos.
Bilang training assistant
noon, madalas akong humarap, hindi lang sa mga mas senior na SO ganoon din sa
mga branch manager. Kailangan kong
matutuhan nang mabilis ang takbo ng operation, lunukin ang kaba at humarap nang
may pagtitiwala sa sarili sa panahon ng trainings at meetings.
Ang sabi ko noon: “Hintayin mo ako Mancom!”
Makaraan ang hindi mabilang na assignment at limang taong serbisyo, nililingon
ko ang sagot ko sa tanong sa akin sa screening. Tama lang pala na iyon ang
isinagot ko gaano man ka-basic ang prinsipyong iyon. Kung itatanong ulit sa akin iyon, palagay ko
ay pareho pa rin ang isasagot ko, yun nga lang mayroon na akong baong bala gawa
ng mga itinuro sa akin ng experience at ng panahon.
Apat na taon na ako sa Mancom. At ang
pinakamakabuluhang prinsipyo ng leadership na natutunan ko ay ang
accountability. Ika nga sa isang linya sa pelikulang A Bug’s Life: “first rule of leadership: everything is your fault.”
Hindi maaring idahilan ng isang leader na ang isang kapalpakan ay kasalanan ng
tao niya, dahil ang unang-unang dapat managot sa anumang sitwasyon ay ang
leader mismo.
Sa artikulong isinulat ni Theo Jamison, CEO ng isang consultancy firm sa Amerika, na ang
pangunahing gawain ay magbigay ng gabay sa mga organisasyon sa paghuhusay at
paglilinaw sa kultura ng organisasyon, ipinaliliwanag nang mas malalim ang
konsepto ng accountability. Dito ay tinalakay na ang accountability ay hindi
lamang dapat natatapos sa isang leader kung hindi ang mas malaking hamon ay
kung paanong ang isang leader ay magagawa ang tinatawag na “employee accountability” sa kanyang nasasakupan. Ito ay dahil sa
mahalagang papel ng leadership at employee accountability sa paglikha at
pagpapanatili ng kahusayan ng isang organisasyon.
Narito ang simpleng gabay na makakatulong
sa isang manager upang mabatak ang mga nasasakupan sa accountability tungo sa
kanilang kahusayan:
1. Malinaw
na tukuyin ang inaasahan o pamantayan na dapat nilang matugunan. Ang mga
tao ay hindi maaring managot sa mga bagay na hindi nila alam. Hindi dapat
ipagpalagay ng isang manager na alam na ng kanyang nasasakupan kung ano ang
mahusay na trabaho. Marapat na kausapin ang empleyado at ipaliwanag, idetalye,
at ibalangkas ang kung ano ang inaasahan sa kanya.
2. Isangkot ang mga nasasakupan
sa pagpaplano at paghuhusay pa ng performance. Kapag ang inaasahan o pamantayan ay natukoy na, dapat
itong ibahagi sa kanila sa panahon ng mga pagpupulong. Sa ganoong paraan ay
nagkakaroon sila ng pagkakataong ipahayag ang kanilang mga saloobin at opinyon.
Tanungin sila ng mga magpapasigla sa malikhaing pag-iisip gaya ng ano ba ang
mga hamon na maari nilang makaharap sa pagtugon sa mga inaasahan at ano ang
mabuting paraan upang ito ay masolusyunan. Sa katagalan, na ang mga nasasakupan
ay nabibigyan ng pagkakataong mailahad ang saloobin ay magdudulot upang sila ay
magkaroon ng commitment at suporta
upang itaguyod ang adhikain ng team.
3.
Practice what you preach. Anuman ang inaasahan o pamantayan na dapat
tugunan ng mga nasasakupan, walang ibang pinakamabuting paraan upang ito ay
maituro sa iba kung hindi ang makita nila na ang kanilang
tagapamuno ang mismong gumagawa nito. Ito ay nagpapakita ng sinseridad sa mga
bagay na dapat matupad.
4. Magbigay ng malinaw na
batayan at sukatan ng performance. Bukod pa sa performance
indicator na ginagamit ng buong organisasyon, ang isang manager ay maaring
bumuo ng isang simple at malikhaing scorecard na maaring gamitin ng team sa
pagsukat ng mahusay na performance ng team at ng mga indibidwal na bumubuo sa
team.
5. Kilalanin ang mahusay na
performance at panayang magturo sa mga hindi nakatutugon sa hindi inaasahan. Gawing priority ng isang manager ang
regular na kilalanin at gantimpalaan ang nasasakupang palagiang mahusay na
nakagagawa sa kanyang mga gampanin. Ito ay hindi lamang naghihikayat sa kanila
upang panatilihin ang mataas na uri ng paggawa kung hindi ay nagtatakda ng
pamantayang maaring tularan ng kanyang mga kasamahan. Hindi rin dapat
ipagwalang bahala ng isang manager ang mga nasasakupang hindi nakatutugon sa
inaasahan sa kanila. Ang manager ay dapat magtakda ng regular na coaching routine upang sila ay mapayuhan
at magabayan upang mapabuti at mapaghusay ang kanilang paggawa.
-A
bug’s Life Photo courtesy of Ars Electronica Archive (http://www.aec.at)
(Ang lathalain na ito ay mula sa Laksang Diwa Last Issue)
0 comments:
Post a Comment